ابيات شعرية حلوة

السلام عليكم ورحمة الله وبركاته
شحالكم؟
هذه بعض الابيات الشعرية اخترتها لكم
لكن؟
لكن؟
(تذكروا ان حقوق الطبع محفوظة)
من كلمات الشاعر.......الحوووووووووووووووووووووووووووت




يهل الهوى من قسوة الوقت مقهور
من حبها مسهر عيوني وأعاني
وأرسم حروفي واكتب الشعر بسطور
وأبقى رفيق الليل لاهو دعاني
وأسمع مخاوي الليل لا صرت مجبور
وأعيش وأسرح في ليالي زماني
من يبتلي بالحب لاشك معذور
ومن صار عنده شك ياقف مكاني
زارع بدرب العشق بستان وزهور
وغنيت للعشاق قصة تهاني
خمسة حروف وخلت الحال مكسور
راحت وهي بالروح داخل كياني
ياويح قلب من حبيبه مهجور
وياويح روح مالها حد ثاني
حتى الحياه ولابها عاد مقدور
من عقبها ما عاد شي وحياني
شفت القبر في دنيتي صار محفور
الحال ماهو بحال والعمر فاني
::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::
خايف عليك يجيك يوم وتنقهر
وتصيح دمع ولا تلاقي لك حبيب
وتعيش ليلك في تعاذيب وسهر
تصرخ تنادي وانت ماجنبك قريب
تحسب حلاتك تجذب الناس بنظر
حاشا ولامنهو على نظرك يطيب
انت حسافة تناظرك عنيد البشر
ومن نظر فيك الخير بظنونه يخيب
مسكينة مثلك توه بسن الصفر
ياصغير لاتكبر ترى راسك يشيب
مني تعلم هالسوالف والعبر
باكر تشوف السهل بالأمر الصعيب
::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::
ياكثر بالليل سهري والجفن عاف المنام
منشغل فكري وبالي ماشغل فكري سواك
حتى لو تفضي عيوني صرت اشوفك يوم انام
وانت حلمي كل ليله وانت باحلامي ملاك
حسبي الله وقلت يالله ياكبر قدر الغرام
الهوى دنيا كبيرة والهوى عنوه بلاك
لو اشوف الناس دونك قلت ع الدنيا السلام
لان كل الناس صعب توصل مستـــواك
::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

هاااااااااااااااااااااااااااااااااااه اش رايكم حلوة صح؟؟؟