يامن تقول اليوم مابيك
تزعل وزعك ماله أسباب
صحيح لول ميت فيك
واليوم اصكر عنك الباب
مااريد اسمع عاد طاريك
دامك قطعت وصال لحباب
شطيت بي والله يجازيك
واهديك أنا من شعري عتاب
خل الزمن عني يسليك
مادام بعت الناس لقراب
دربك على الحسره يوديك
يجرحك جرح مول ما طاب
لوتبتعد ما عدت أناديك
لو بندفن في تحت لتراب
شوف الوقت باكر يبكيك
وانا الوقت منه ولاهاب
مثلي حرام يقول بيرضيك
ياصاحبي نجمك معي غاب
ماهمني كثرة تجافيك
انت وانا قد صرنا اغراب
مابتبعك واقفر اثاريك
والله القوي هو رب لرباب
عيب علي انا اجاريك
وازعل شراتك واحرق اعصاب
ارجع تذكر بس ماضيك
وابدي على نفسك بالحساب
يابايع بالحب شاريك
والظن فيك اليوم قد خاب
كل الندم والآه تاليك
مادام هذه عشره اصحاب